1.ეთიკის კომისია კანონით დადგენილ შემთხვევებში იხილავს დისციპლინურ საქმეს ამ დებულების III და V თავით დისციპლინური კოლეგიებისათვის დადგენილი წესით, ამ თავში მითითებულ თავისებურებათა გათვალისწინებით.
2.ეთიკის კომისიის მიერ საქმის განხილვისას სხდომის თავმჯდომარის უფლებამოსილებას ახორციელებს ეთიკის კომისიის თავმჯდომარე ან, მისი არყოფნისას, ეთიკის კომისიის მიერ საამისოდ უფლებამოსილი წევრი (23.12.2018).
3.ეთიკის კომისიამ დისციპლინური საქმე უნდა განიხილოს არანაკლებ 10 წევრის მონაწილეობით, ხოლო გადაწყვეტილება მიიღება არანაკლებ 8 წევრის მიერ. მოცემულ შემთხვევაში არ გამოიყენება ამ დებულების მე-11 მუხლის პირველი პუნქტის გ) ქვეპუნქტით დადგენილი საპროცესო კოლეგიის წევრებზე მონაწილეობის შეზღუდვა (23.12.2018).
4.ეთიკის კომისია იღებს გადაწყვეტილებას იმ შემთხვევაშიც, თუ ის ჩათვლის, რომ ადვოკატის მიმართ გამოყენებული უნდა იქნას დისციპლინური ზემოქმედების ღონისძიება ან დისციპლინური სახდელი გაფრთხილების სახით.

