კორუფციული დანაშაულები – რომელი მუხლები ადგენს პასუხისმგებლობას
კორუფციული დანაშაულების ჯგუფი საქართველოს სისხლის სამართლის კოდექსში სამსახურებრივ დანაშაულთა ნორმებით არის განსაზღვრული. ამ ჯგუფის ბირთვს ქრთამის აღებისა და მიცემის მუხლები შეადგენს, ხოლო მასთან ახლოს დგას სამსახურებრივი ხასიათის დანაშაულები – უფლებამოსილების გადამეტება, განმარტების ან ჩვენების მიცემის იძულება, სამეწარმეო საქმიანობაში უკანონო მონაწილეობა, კანონით აკრძალული საჩუქრის მიღება და სამსახურებრივი სიყალბე. თითოეული მათგანი ცალკე მუხლია, თუმცა პრაქტიკაში ეს ნორმები ერთად განიხილება, რადგან ბრალდება ხშირად რამდენიმე მუხლს აერთიანებს ერთ ეპიზოდზე.
ასეთი საქმეები ყოველთვის მაღალი საზოგადოებრივი ინტერესის ზონაშია და ბრალდება მათ განსაკუთრებული ინტენსივობით აწარმოებს. ამავდროულად, სწორედ ამ კატეგორიაშია კვალიფიკაციის შეცდომების ყველაზე მეტი რისკი – საზღვარი კანონიერ სამსახურებრივ გადაწყვეტილებასა და დანაშაულს შორის ხშირად ბუნდოვანია. ადვოკატის ამოცანაა ეს საზღვარი საქმის მასალებზე დაყრდნობით ზუსტად დაადგინოს.