Back to articles
Article location
This article is available in Georgian only.
სამართალი

ბრენდის სახელი არ გეკუთვნის შენ, სანამ სასაქონლო ნიშნად არ დაარეგისტრირებ

პოსტი ეხება სასაქონლო ნიშნის რეგისტრაციის აუცილებლობას, საერთაშორისო და საქართველოს კანონმდებლობის შედარებითსამართლევ ასპექტებს. ამასთან, პოსტი მოიცავს პრაქტიკულ რჩევა/რეკომენდაციას.
3 minLiana Zagashvili
ბრენდის სახელი არ გეკუთვნის შენ, სანამ სასაქონლო ნიშნად არ დაარეგისტრირებ

შენი ბრენდის სახელი არ არის შენი, სანამ სასაქონლო ნიშნად არ დაარეგისტრირებ

როგორ კარგავენ კომპანიები მათ მიერვე შექმნილ ბრენდებს, და რატომ არის პრევენციული რეგისტრაცია თითოეული ბიზნესის სტრატეგიული ვალდებულება.

ბიზნესის წამოწყებისას მეწარმეთა ყურადღება, ბუნებრივია, მახვილდება პროდუქტის შემუშავებაზე, ბაზრის დაპყრობასა და შემოსავლის გამომუშავებაზე. ბრენდის სამართლებრივი დაცვა კი, ხშირად, მეორეხარისხოვან, „მოგვიანებით მოსაგვარებელ" საკითხად განიხილება. სწორედ ეს დამოკიდებულება ხდება სამომავლო რისკებისა და პრობლემების წყარო.

ეს ბლოგი სასაქონლო ნიშნების სამართლის სისტემატურ მიმოხილვას ემსახურება. საერთაშორისო პრაქტიკის, სასამართლო გადაწყვეტილებებისა და ქართული სამართლებრივი კონტექსტის გათვალისწინებით. მიზანია არა მხოლოდ ინფორმაციის გაზიარება, არამედ კონკრეტული გაფრთხილება: თქვენი ბრენდი, თუ არ არის დარეგისტრირებული, შეიძლება გახდეს ძალიან მარტივად სხვისი.

სასაქონლო ნიშანი (trademark) არის ნებისმიერი ნიშანი, რომელიც ერთი ეკონომიკური სუბიექტის საქონელს ან მომსახურებას სხვა სუბიექტის საქონლისა თუ მომსახურებისგან განასხვავებს. სასაქონლო ნიშნის ძირითადი ფუნქცია სამი ასპექტისგან შედგება: წარმომავლობის ფუნქცია (მომხმარებელი იდენტიფიცირებს, ვინ წარმოადგინა პროდუქტი), ხარისხის გარანტიის ფუნქცია (ბრენდი ასოცირდება კონკრეტულ სტანდარტთან) და სარეკლამო ფუნქცია (ნიშანი ბრენდის ეკონომიკური ღირებულების მატარებელია).

I. „პირველი გამოყენების" მითი

ყველაზე გავრცელებული და ყველაზე სახიფათო მცდარი წარმოდგენა ასე ჟღერს: „მე ეს სახელი პირველი გამოვიყენე, ამიტომ ჩემია."

ეს ლოგიკა, თუმცა ინტუიციურია, სამართლებრივ რეალობასთან მხოლოდ ნაწილობრივ შეესაბამება. საქართველოში, ევროკავშირის ქვეყნებში და მსოფლიოს აბსოლუტური უმრავლესობის სამართლებრივ სისტემაში მოქმედებს „პირველი რეგისტრაციის" პრინციპი. ეს ნიშნავს, რომ ვინც პირველი დარეგისტრირდა, სამართლებრივი უპირატესობა მასთანაა, გამოყენების ისტორიის მიუხედავად.

ადამიანებს ხშირად ჰგონიათ, რომ ბრენდი მათ ეკუთვნის, რადგანაც ისინი გახდნენ ცნობილი. სინამდვილეში, ბაზარზე ცნობადობა სამართლებრივ დაცვას ვერ ანაცვლებს

სწორი ბრენდის სახელის შერჩევა, სამართლებრივი სტრატეგიის ნაწილია და ბიზნეს-გადაწყვეტილების მიღებამდე ყურადღების ღირსია. აუცილებელია ნიშნის რეგისტრაციის განაცხადის გაკეთებამდე, შესწავლილ იქნას ბაზარი, უკვე არსებული ნიშანი არსებობს თუ არა. ამასთან, ყურადღება უნდა გამახვილდეს არა იდენტურ ნიშანზე, არამედ მსგავსსზეც, რადგან თუ სამომავლო ნიშანი, უკვე რეგისტრირებული ნიშნის იდენტური ან/და მსგავსია, ასევე იწვევს მომხმარებლის შეცდომაში შეყვანას, ეს ნიშანი რეგისტრაციას არ დაექვემდებარება.

Anheuser-Busch v. Budějovický Budvar - „Budweiser"-ის ათწლიანი ომი

ეს, ალბათ, ყველაზე ხანგრძლივი სასაქონლო ნიშნის დავაა ისტორიაში. ამერიკული ლუდის გიგანტი Anheuser-Busch და ჩეხური სახელმწიფო სასმელ-წარმოება Budějovický Budvar (Budvar) ათწლეულების განმავლობაში ჩხუბობდნენ „Budweiser" სახელზე. შედეგი? ორივე კომპანია „Budweiser"-ის სახელით ლუდს ყიდის, მხოლოდ სხვადასხვა ქვეყანაში.

ევროპის მართლმსაჯულების სასამართლომ (ECJ) და ინგლისის სასამართლოებმა განმეორებით დაადასტურეს, რომ სასაქონლო ნიშანი ტერიტორიულია: ამ ორ კომპანიას ერთი და იგივე სახელი კომფლიქტის გარეშე ფუნქციონირებს სხვადასხვა ბაზარზე.

რეგისტრაცია ყოველ ქვეყანაში ცალ-ცალკე დასჭირდება. გლობალური ბიზნეს-სტრატეგია გლობალური IP-სტრატეგიასაც ითხოვს.

Nice-ის კლასიფიკაცია - 45 კლასი, ერთი სისტემა

სასაქონლო ნიშანი რეგისტრირდება კონკრეტულ კლას(ებ)ში. 1957 წლის Nice-ის შეთანხმებით შემოღებული Nice International Classification of Goods and Services 45 კლასისგან შედგება: 34, საქონლის კლასი, 11, მომსახურების კლასი.

სწორი კლასების შერჩევა სტრატეგიული გადაწყვეტილებაა და ხშირად სპეციალისტის დახმარებას საჭიროებს. ზედმეტი კლასი უბრალოდ ზედმეტი ფულის გადახდას იწვევს, რადგან ყოველდამატებით კლასზე, შესაბამისი თანხაა გადასახდელი. შესაბამისად, სწორი კლასის შერჩევა ასევე კომპეტენციას მოითხოვს.

Read more on this topic

Personal Data Protection for Business in Georgia 2026

Personal Data Protection for Business in Georgia 2026

Personal Data Protection for Business in Georgia: What Companies Should Consider in 2026

Introduction: What Changed on March 2, 2026? As of March 2, 2026, the Personal Data Protection Service was abolished and its functions - supervision, inspections, incident review, and receipt of statements from subjects - were transferred to the State Audit Service. This change raises open questions. The Personal Data Protection Service was a specialized, separately established institution, while the main mandate of the State Audit Service is control of state finances. The specialized competence and speed of the new structure are still to be tested. Business and the civil sector should closely monitor this development. What has not changed: The requirements of the law - obligations, penalties, and rights of subjects - are in full force. Official contact: State Audit Office - sao.ge

Part I: Who does the law apply to?

The Law “On Personal Data Protection” applies to all persons or organizations that process data on the territory of Georgia using automated or semi-automated means; or are based outside Georgia but process local data using technical means available in Georgia. This means that the law applies to: all companies, institutions where personal data of a person is processed. Video, audio monitoring. Exception: completely personal and family activities of a natural person, which are not related to entrepreneurial or professional activities. In addition, the law does not apply to the processing of personal data of a legal entity. The focus of the law is the personal data of a natural person.

Specialists in this field

These lawyers work in legal areas related to this article

All specialists

Related services