1.კინოს სახელმწიფო მხარდაჭერის ძირითადი ფორმებია: ა) შესაბამისი ს აკანონმდებლო ბაზის შემუშავება და მისი სრულყოფა; ბ) საქართველოს კანონმდებლობით დადგენილი წესით ეროვნული ფილმის წარმოებისა და გაქირავების საქართველოს სახელმწიფო ბიუჯეტიდან დაფინანსება, აგრეთვე შესაძლებელია შესაბამისი მუნიციპალური ბიუჯეტიდან დაფინანსება; გ) შესაბამისი სახელმწიფო პროგრამების შემუშავება და განხორციელება; დ) საქართველოს კან ონმდებლობით დადგენილი წესით კინოორგანიზაციების საქმიანობის შეღავათიანი საგადასახადო რეგულირება; ე) საქართველოს კანონმდებლობით გათვალისწინებული სახელმწიფო მხარდაჭერის სხვა ფორმები.
2.კინოს სახელმწიფო მხარდაჭერის ღონისძიებები მიმართულია: ა) ეროვნული ფილმის შესაქმნელად; ბ) კინოს მატერიალურ-ტექნიკური ბაზის განსავითარებლად; გ) ფილმების გაქირავებისა და ჩვენებისათვის სათანადო პირობების შესაქმნელად; დ) სამეცნიერო, საგანმანათლებლო და ტექნიკური პროგრამების განსახორციელებლად; ე) კინოფესტივალებისა და სხვა კულტურული ღონისძიებების ჩასატარებლად; ვ) საერთაშორისო კინოფესტივალებსა და სხვა ღონისძიებებში მონაწილეობის მისაღებად.
3.ყველა კინოორგანიზაცია უფლებამოსილია მიიღოს შესაბამისი სახელმწიფო მხარდაჭერა, თუ იგი აკმაყოფილებს საქართველოს კანონმდებლობით დადგენილ მოთხოვნებს. საქართველოს 2020 წლის 15 ივლისის კანონი №6914 – ვებგვერდი, 28.07.2020წ.
