მუხლი 26 (დანართი 1). პატრულირების ფორმები

1.პატრულირება ხორციელდება დეპარტამენტის უფლებამოსილი საჯარო მოსამსახურ(ეებ)ის მიერ, შესაბამის სამოქმედო ტერიტორიაზე, განსაზღვრული სამოძრაო მიმართულების თანახმად.

2.პატრულირება ხორციელდება ღია , ფარული ან შერეული მეთოდით − ავტომანქანით ან / და მცურავი საშუალებით ან / და ქვეითად .

3.ავტოსატრანსპორტო საშუალებით პატრულირება ხორციელდება ეკიპაჟით , დეპარტამენტის ორი უფლებამოსილი საჯარო მოსამსახურის შემადგენლობით .

4.ღია მეთოდით პატრულირება ხორციელდება სპეციალური განმასხვავებელი ნიშნების მქონე ავტომანქანით .

5.ფარული მეთოდით პატრულირება ხორციელდება ავტომანქანით , რომელსაც არ აქვს სპეციალური განმასხვავებელი ნიშნები . ფარული მეთოდით პატრულირება დეპარტამენტის უფლებამოსილმა საჯარო მოსამსახურემ შესაძლებელია , განახორციელოს სპეციალური ტანსაცმლის ( უნიფორმის ) გარეშე , აღნიშნულ შემთხვევაში ის ვალდებულია , იქონიოს სამსახურებრივი პირადობის მოწმობა .

6.შერეული მეთოდით პატრულირება ხორციელდება ერთდროულად ორი ავტომობილით , რომელთაგან ერთს აქვს სპეციალური განმასხვავებელი ნიშნები , ხოლო მეორეს − არა .

7.პატრულირება ხორციელდება დღე - ღამის ნებისმიერ დროს , 24- საათიან სამუშაო რეჟიმში . პატრულირების გრაფიკს , პატრულირების განმახორციელებელი ეკიპაჟის შემადგენლობისა და ეკიპაჟის სამოძრაო მიმართულებების მითითებით , ადგენს შესაბამისად დეპარტამენტის ცენტრალური აპარატის გარემოსდაცვითი პატრულირებისა და სწრაფი რეაგირების განმახორციელებელი სტრუქტურული ერთეულის ხელმძღვანელი ან დეპარტამენტის ტერიტორიული ორგანოს გარემოსდაცვითი პატრულირებისა და სწრაფი რეაგირების განმახორციელებელი სტრუქტურული ერთეულის ხელმძღვანელი , ხოლო სამსახურებრივი ურთიერთობის შეჩერების ან სამსახურიდან გათავისუფლების შემთხვევაში − საამისოდ უფლებამოსილი სხვა საჯარო მოსამსახურე .

8.სამსახურებრივი მოვალეობის შესრულებისას დეპარტამენტის უფლებამოსილ საჯარო მოსამსახურეს უნდა ჰქონდეს გამართული აღჭურვილობა , უნდა ეცვას სპეციალური ტანსაცმელი ( უნიფორმა სრული ეკიპირებით , შესაბამისი სეზონის გათვალისწინებით ), გარდა ამ მუხლის მე -5 პუნქტით გათვალისწინებული შემთხვევისა , ვიზუალურად უნდა იყოს მოწესრიგებული , ჰქონდეს სამსახურებრივი პირადობის მოწმობა , ოქმები , აქტების ბლანკები , ახსნა - განმარტების ბლანკები და სხვა საჭირო დოკუმენტები და ამასთანავე უფლებამოსილია , თან იქონიოს : ა ) სამსახურებრივ - საშტატო იარაღი ( მინიჭებული უფლებამოსილების ფარგლებში ); ბ ) ფიზიკური იძულების სპეციალური საშუალებები და სხვა აღჭურვილობა ; გ ) ფოტო და ვიდეოკამერა ; დ ) ავტოკალამი , ფანქარი , სახაზავი , ელფანარი და სხვა საჭირო ნივთები . საქართველოს მთავრობის 2017 წლის 21 თებერვლის დადგენილება №95 - ვებგვერდი, 22.02.2017წ. საქართველოს მთავრობის 2018 წლის 9 ივლისის დადგენილება №357 - ვებგვერდი, 10.07.2018წ.