1.საფ-ი (გარდა ელექტრონული ფორმის საფ-ისა) გამოიწერება 2 ეგზემპლარად. ორივე ეგზემპლარს აქვს თანაბარი იურიდიული ძალა. საფ-ი გამოიწერება მიწოდების – პირველადი ოპერაციის და კორექტირების ოპერაციებზე ცალ-ცალკე.
2.საფ-ში ინფორმაცია (ასეთის არსებობის შემთხვევაში) შეიტანება იმ სახით, როგორც ეს მითითებულია შესაბამის სტრიქონებსა და სვეტებში. ამასთან: ა) მე-2 სტრიქონი ივსება მხოლოდ იმ შემთხვევაში, თუ ხდება ოპერაციის კორექტირება. სხვა შემთხვევაში, მასში იწერება ტირე „ –“; ბ) თუ აქციზური საქონლის მიმწოდებელი არ წარმოადგენს ამ საქონელზე აქციზის გადამხდელს, ცხრილის მე-6 (აქციზის) სვეტში, იწერება ტირე „ –“; გ) ცხრილის სტრიქონზე „სულ“ – აისახება მე-4, მე-5 და მე-6 სვეტების მონაცემთა ჯამები; დ) მომსახურების გაწევის შემთხვევაში, მე-7 უჯრაში იწერება „ –“ (ტირე), ხოლო მე-8 უჯრაში მიეთითება: დ.ა) მომსახურების გაწევის თარიღი, თუ მომსახურების გაწევის დრო ერთ დღეს არ აღემატება; დ.ბ) საანგარიშო პერიოდი სიტყვიერად, თუ მომსახურების გაწევის დრო ერთ დღეს აღემატება; ე) საქონლის გამყიდველის (მიმწოდებელი) ან/და მომსახურების გამწევი პირის ხელმძღვანელის ან სხვა უფლებამოსილი პირის ხელმოწერის ბეჭდით დადასტურება ხდება მისი (ბეჭდის) არსებობის შემთხვევაში.
2¹.ელექტრონული საფ-ის (დანართი №III-05 2 -ის) გამოწერისას ასევე: ა) მე-9 სტრიქონში მიეთითება საფ-ის ცხრილში ასახული საქონლის მიწოდებამდე, მისაწოდებელი საქონლის/გასაწევი მომსახურების საკომპენსაციო თანხის/თანხის ნაწილის (ავანსი) გადახდის შემთხვევაში გამოწერილი საფ-ის (მათ შორის, კორექტირების) სერია/ნომერი, გამოწერის თარიღი და დღგ-ის თანხა, რომლის მიხედვითაც მოხდება მიწოდებულ საქონელზე/გაწეულ მომსახურებაზე გამოწერილი საფ-ის მიხედვით დარიცხული დღგ-ის შემცირება; ბ) 9.1 სტრიქონში აისახება საფ-ის ცხრილის მე-5 სვეტში მითითებული დღგ-ის თანხის და მე-9 სტრიქონის მე-3 სვეტში მითითებული დღგ-ის თანხის სხვაობა.
9.1 სტრიქონში მონაცემების ასახვის შემთხვევაში არ ივსება 9.2 სტრიქონი; გ) 9.2 სტრიქონი ივსება საფ-ის კორექტირებისას, თუ ცხრილის მე-5 სვეტში მითითებული დღგ-ის თანხა ნაკლებია მე-9 სტრიქონის მე-3 სვეტში მითითებულ დღგ-ის თანხაზე.
9.2 სტრიქონში აისახება ცხრილის მე-5 სვეტში მითითებული დღგ-ის თანხის და მე-9 სტრიქონის მე-3 სვეტში მითითებული დღგ-ის თანხის სხვაობა. ამ შემთხვევაში არ ივსება 9.1 სტრიქონი; [ დ) 9.1.1 და 9.2.1 სტრიქონები ივსება საფ-ის კორექტირებისას: დ.ა) 9.1.1 სტრიქონში მიეთითება პირველად/წინა კორექტირების საფ-სა და კორექტირების საფ-ის დღგ-ის თანხებს შორის დადებითი სხვაობა (სულ კორექტირების თანხა (ზრდა)); დ.ბ) 9.2.1 სტრიქონში მიეთითება პირველად/წინა კორექტირების საფ-სა და კორექტირების საფ-ის დღგ-ის თანხებს შორის უარყოფითი სხვაობა (სულ კორექტირების თანხა (შემცირება)). (ამოქმედდეს 2026 წლის 1 ნოემბრიდან)] შენიშვნა: მე-9;
9.1 და 9.2 სტრიქონები ივსება იმ შემთხვევაში, თუ მისაწოდებელი საქონლის/გასაწევი მომსახურების საკომპენსაციო თანხის/თანხის ნაწილის (ავანსი) გადახდა განხორციელდა 2025 წლის 1 სექტემბრის შემდგომ.
3.(ამოღებულია - 30.12.2020, №326) .
4.საქონლის მრავალსახეობის დროს საფ-ის დანართში (დანართი №III-07 ) იწერება იმ საფ-ის სერია და ნომერი, რომლის გაგრძელებასაც წარმოადგენს მოცემული დანართი, ხოლო საფ-ის ცხრილის პირველ სვეტში კეთდება ჩანაწერი დანართის მიხედვით მიწოდებული საქონლის რაოდენობის (დასახელების) შესახებ.
5.საფ-ის დანართში ინფორმაცია შეიტანება იმ სახით, როგორც ეს გათვალისწინებულია საფ-ში. საფ-ის დანართის მე-4, მე-5 და მე-6 სვეტების ჯამები იწერება შესაბამისად საფ-ის მე-4, მე-5 და მე-6 სვეტებში. დანართის ბოლოს უჯრებში იწერება საანგარიშო პერიოდის განმავლობაში მიწოდებულ საქონელზე გამოწერილი სასაქონლო ზედნადებების ნომერი და გამოწერის თარიღი.
6.საფ-ის და მისი დანართის შევსების თარიღი უნდა იყოს ერთიდაიგივე და ჩანაწერები დასტურდებოდეს ხელმძღვანელის ან უფლებამოსილი პირის ხელმოწერით და ბეჭდით.
7.საქონლის მყიდველის (მიმღების) მოთხოვნის შემთხვევაში, საანგარიშო პერიოდში ერთზე მეტი სასაქონლო ზედნადებით საქონლის მიწოდებისას, შესაძლებელია გამოიწეროს და გაიცეს მიწოდებების ჯამური მონაცემების ამსახველი დანართი №III-05 ან დანართი №III-05 2 ფორმის ერთი საფ. ამ შემთხვევაში, დანართი №III-05 გამოწერისას სავალდებულოა საფ-ის დანართის (დანართი №III-07) გამოყენება, რომელშიც იწერება იმ საფ-ის სერია და ნომერი, რომლის გაგრძელებასაც წარმოადგენს მოცემული დანართი. საფ-ის დანართში ინფორმაცია შეიტანება იმ სახით, როგორც ეს გათვალისწინებულია საფ-ში. საფ-ის ცხრილის პირველ სვეტში კეთდება ჩანაწერი დანართის მიხედვით, თუ რამდენი დასახელების საქონლის მიწოდება განხორციელდა სასაქონლო ზედნადებებით, ხოლო მე-4, მე-5 და მე-6 სვეტებში მონაცემები იწერება საფ-ის დანართის მე-4, მე-5 და მე-6 სვეტების ჯამების შესაბამისად. ამასთან, საფ-ის მე-7 და მე-8 სტრიქონები არ ივსება.
7¹.მომსახურების მყიდველის (მიმღების) მოთხოვნის შემთხვევაში, საანგარიშო პერიოდში გაწეულ მომსახურებებზე, შესაძლებელია გამოიწეროს და გაიცეს მიწოდებების ჯამური მონაცემების ამსახველი დანართი №III-05 ფორმის ან დანართი №III-05 2 ფორმის ერთი საფ. ამ შემთხვევაში, დანართი №III-05 გამოწერისას სავალდებულოა საფ-ის დანართის (დანართი №III-07) გამოყენება, რომელშიც იწერება იმ საფ-ის სერია და ნომერი, რომლის გაგრძელებასაც წარმოადგენს მოცემული დანართი. საფ-ის დანართში ინფორმაცია შეიტანება იმ სახით, როგორც ეს გათვალისწინებულია საფ-ში. საფ-ის ცხრილის პირველ სვეტში კეთდება ჩანაწერი დანართის მიხედვით, თუ რამდენი დასახელების მომსახურების მიწოდება განხორციელდა, ხოლო მე-4, მე-5 და მე-6 სვეტებში მონაცემები იწერება საფ-ის დანართის მე-4, მე-5 და მე-6 სვეტების ჯამების შესაბამისად.
8.ჩათვლის უფლებით დღგ-ისაგან გათავისუფლებულ ოპერაციაზე საფ-ის გამოწერისას, დღგ-ის თანხის აღმნიშვნელ სტრიქონებზე იწერება „ 0“ (ნული).
9.საფ-ში არასწორად (შეცდომით) შეტანილი რეკვიზიტების (დღგ-ის თანხის გარდა) გასწორების მიზნით, საფ-ის ეგზემპლარებში არასწორი მონაცემები გადაიხაზება და მათ თავზე მიეთითება დაზუსტებული მონაცემები. გადასწორების ფაქტი დასტურდება ხელმოწერით და ბეჭდით, ასეთის არსებობის შემთხვევაში. საქართველოს ფინანსთა მინისტრის 2011 წლის 23 აგვისტოს ბრძანება №444 – ვებგვერდი, 23.08.2011 წ. საქართველოს ფინანსთა მინისტრის 2012 წლის 20 მარტის ბრძანება №87 – ვებგვერდი, 21.03.2012წ. საქართველოს ფინანსთა მინისტრის 2012 წლის 23 აგვისტოს ბრძანება №354 – ვებგვერდი, 27.08.2012წ. საქართველოს ფინანსთა მინისტრის 2020 წლის 30 დეკემბრის ბრძანება №326 - ვებგვერდი, 31.12.2020წ. საქართველოს ფინანსთა მინისტრის 2025 წლის 4 აგვისტოს ბრძანება №207 - ვებგვერდი, 05.08.2025წ. საქართველოს ფინანსთა მინისტრის 2026 წლის 1 ოქტომბრის ბრძანება №306 - ვებგვერდი, 02.10.2026წ.