1.ლაბორატორიული სინჯების აღება და გაზომვების ჩატარება უნდა განხორციელდეს მოქმედი წესების შესაბამისად.
2.ლაბორატორიული სინჯების აღებისას დანართ №1-ით გათვალისწინებული დოკუმენტი არ შედგება და შესაბამისი ინფორმაცია (მათ შორის, ლუქის ნომრები) აისახება ინსპექტირების აქტებში.
3.საავტომობილო ბენზინისა და დიზელის სინჯების აღება ხდება მისი შესყიდვით, რომლის ხარჯებსაც გაიღებს დეპარტამენტი. საავტომობილო საწვავის (ბენზინი/დიზელი) სინჯების აღება და დალუქვა ხდება სამ ეგზემპლარად, რომელთაგან: ა) ერთი ეგზემპლარი ხარისხობრივი ნორმების განსაზღვრის მიზნით იგზავნება ლაბორატორიაში, რომლის მფლობელი ფიზიკური ან იურიდიული პირის საქმიანობა არ წარმოადგენს საქართველოში საავტომობილო ბენზინის ან/და დიზელის იმპორტს ან/და რეალიზაციას. ბ) მეორე ეგზემპლარი ინახება დეპარტამენტში არანაკლებ ოთხი თვის ვადით; გ) მესამე ეგზემპლარი რჩება რეგულირების ობიექტთან. ასეთ შემთხვევაში, მესამე ეგზემპლარის შესყიდვა დეპარტამენტის მიერ არ ხორციელდება.
4.ხილული გამონაბოლქვის მქონე სატრანსპორტო საშუალების გამონაბოლქვის გზაზე კონტროლი ხორციელდება დეპარტამენტის უფლებამოსილი საჯარო მოსამსახურის მიერ შესაბამისი გაზომვების ჩატარებით ან/და ორგანოლეპტიკური შეფასებით, აღნიშნულ შემთხვევაში დათვალიერების შესახებ ინსპექტირების აქტი არ შედგება. საქართველოს მთავრობის 2021 წლის 7 სექტემბრის დადგენილება №454 – ვებგვერდი, 09.09.2021წ. საქართველოს მთავრობის 2023 წლის 15 აგვისტოს დადგენილება №311 – ვებგვერდი, 16.08.2023წ. საქართველოს მთავრობის 2026 წლის 30 აპრილის დადგენილება №172 - ვებგვერდი, 01.05.2026წ.