მუხლი 70. საქართველოს ტყის დაცვის მიზნები

1. საქართველოს ტყის დაცვის მიზნებია: ა) ტყეში ეკოლოგიური წონასწორობის შენარჩუნება და გაუმჯობესება; ბ) ტყის ნიადაგის ეროზიის, დაჭაობების, ღვარცოფის, ზვავისა და სხვა ისეთი პროცესის თავიდან აცილება, რომელიც ნიადაგის მდგომარეობას აუარესებს; გ) ხელუხლებელი ტყის თვითმყოფადობის შენარჩუნება; დ) მცენარეთა რელიქტური, ენდემური და სხვა იშვიათი სახეობების დაცვა.

2. საქართველოს ტყე დაცული უნდა იყოს: ა) ხანძრისგან; ბ) ტყის მავნებელ-დაავადებებისგან; გ) ტყითსარგებლობისა და სხვა ღონისძიებებით დადგენილი წესების დარღვევისგან; დ) უკანონო ჭრისგან; ე) სანიტარიული მდგომარეობის გაუარესებისგან; ე 1 ) ტყის ნიადაგის დაზიანებისგან; ვ) სხვა უარყოფითი ანთროპოგენური ზემოქმედებისგან. საქართველოს 2021 წლის 15 დეკემბრის კანონი №1098 – ვებგვერდი, 24.12.2021წ.