საქართველოს სისხლის სამართლის საპროცესო კოდექსი
მუხლი 325. კოდექსის ნორმების მოქმედება იურიდიული პირის მიმართ
რედაქცია №177 გადამოწმებულია მოქმედ რედაქციასთან · 28 მაი. 2026
1. იურიდიული პირისთვის სისხლისსამართლებრივი პასუხისმგებლობის დასაკისრებლად სისხლის სამართლის პროცესი მიმდინარეობს ამ კოდექსით დადგენილი ზოგადი წესისა და ამ თავის შესაბამისად. იურიდიულ პირებზე ამ კოდექსის ნორმები ვრცელდება მათი შინაარსის გათვალისწინებით.
2. ამ თავის მიზნებისათვის, იურიდიული პირი ნიშნავს სამეწარმეო (კომერციულ) ან არასამეწარმეო (არაკომერციულ) იურიდიულ პირს (მის უფლებამონაცვლეს).