ჯგუფური დანაშაული და კვალიფიკაციის მნიშვნელობა
სისხლის სამართლის საქმეებში ბრალდება ხშირად სწორედ დანაშაულის ჯგუფურ ფორმას ეყრდნობა, რადგან პირის როლი და მონაწილეობის ხასიათი ერთობლივ ჩადენაში პირდაპირ განსაზღვრავს ბრალდების მოცვას და მოსალოდნელ სასჯელს. საქართველოს სისხლის სამართლის კოდექსის ზოგადი ნაწილი ამ სფეროს ცალკე ნორმების სრული სისტემით აწესრიგებს: განსაზღვრავს ამსრულებლობის ცნებას, თანამონაწილეობის ნიშნებს, თანამონაწილის სახეებს, პასუხისმგებლობის განაწილების წესებს, ამსრულებლის ექსცესს და ჯგუფური დანაშაულის ფორმებს. დაცვისთვის ეს ნორმები გადამწყვეტია: ერთსა და იმავე ფაქტობრივ გარემოებებზე ერთი პირი შეიძლება ამსრულებლად ჩაითვალოს, სხვა კი მხოლოდ დამხმარედ, და ეს განსხვავება როგორც ბრალდებაზე, ისე სასჯელზე აისახება.