11.განაცხადის განხილვის შეჩერება 1. განმცხადებელს უფლება აქვს ექსპერტიზის ნებისმიერ ეტაპზე მოითხოვოს საკუთარი განაცხადის განხილვის შეჩერება ერთი თვით, ცალკეულ თვეზე დადგენილი საფასურის გადახდის შემდეგ. შეჩერების საერთო ვადა არ უნდა აღემატებოდეს 3 თვეს.
2.განცხადება განაცხადის განხილვის შეჩერების შესახებ წარედგინება საქპატენტს. განცხადების წარდგენიდან 5 კალენდარული დღის ვადაში გადახდილი უნდა იქნეს განაცხადის განხილვის შეჩერებისთვის დადგენილი საფასური. განაცხადზე საქმისწარმოება ჩერდება საფასურის გადახდიდან ან განცხადების წარდგენიდან, იმ შემთხვევაში, თუ საფასური გადახდილ იქნა განცხადების წარდგენისას. საფასურის გადაუხდელობის შემთხვევაში განცხადება შეჩერების შესახებ დარჩება განუხილველი.