1.ამ კანონის (გარდა ამ მუხლის მე-2 პუნქტისა) მოქმედება ვრცელდება საქართველოს სახელმწიფო დროშით მცურავ ყველა გემზე.
2.ამ კანონის მოქმედება არ ვრცელდება იმ გემზე, რომელიც: ა) ექსკლუზიურად შიდა ნაოსნობაშია ჩართული; ბ) ნაოსნობას ახორციელებს მეჩხერ წყლებში ან ნავსადგურის წესების მოქმედების ზონაში; გ) ჩართულია თევზჭერაში; დ) აშენებულია ხისგან, ტრადიციული მეთოდით; ე) არის სახელმწიფო საკუთრება, როდესაც ის კომერციული დანიშნულებით არ გამოიყენება.
