საქართველოს საგადასახადო კოდექსი

მუხლი 39. საგადასახადო საიდუმლოება

რედაქცია №248 კონსოლიდირებული · 28 ოქტ. 2026 ამ მუხლის ცვლილება ძალაში შედის 1 იან. 2030

გჭირდებათ რჩევა ამ მუხლთან დაკავშირებით?

აღწერეთ თქვენი საკითხი

1.საგადასახადო ორგანოს მიერ გადასახადის გადამხდელის შესახებ მიღებული ნებისმიერი ინფორმაცია (გარდა ამ მუხლის 1 1 ნაწილში აღნიშნული ინფორმაციისა) საგადასახადო საიდუმლოებას განეკუთვნება.

1¹.საგადასახადო საიდუმლოებას არ განეკუთვნება და საჯაროა გადასახადის გადამხდელის შესახებ შემდეგი ინფორმაცია: ა) გადასახადის გადამხდელად რეგისტრაციის შესახებ; ბ) დღგ-ის გადამხდელად რეგისტრაციის შესახებ; გ) სტატუსი; დ) სახელწოდება; ე) სამართლებრივი ფორმა; ვ) მისამართი; ზ) საიდენტიფიკაციო ნომერი; თ) საიდენტიფიკაციო ნომრის მინიჭების თარიღი; ი) მარეგისტრირებელი ორგანო; კ) საგადასახადო დავალიანება; ლ) ხელმძღვანელობის/წარმომადგენლობის უფლებამოსილების მქონე პირები; მ) დამფუძნებლები; ნ) საგადასახადო გირავნობა/იპოთეკის უფლების და ქონებაზე დადებული ყადაღის შესახებ; ო) მეწარმეთა და არასამეწარმეო (არაკომერციული) იურიდიული პირების რეესტრში რეგისტრირებული სხვა საჯარო ინფორმაცია; პ) მოქალაქეთა პოლიტიკური გაერთიანებების (პარტიების) რეესტრში რეგისტრირებული საჯარო ინფორმაცია; ჟ) პირისთვის საგადასახადო ანგარიშ-ფაქტურის გამოყენების შეზღუდვის (მათ შორის, გამოწერის/გაცემის შეჩერების) შესახებ.

2.საგადასახადო ორგანო, მისი თანამშრომელი, მოწვეული სპეციალისტი ან/და ექსპერტი ვალდებულია დაიცვას გადასახადის გადამხდელის შესახებ ინფორმაციის საიდუმლოება, რომელიც მისთვის ცნობილი გახდა სამსახურებრივი მოვალეობის შესრულებისას. მას უფლება აქვს, ცალკეული გადასახადის გადამხდელის შესახებ იდენტიფიცირებული ინფორმაცია გადასცეს მხოლოდ შემდეგ პირებს: ა) საქართველოს ფინანსთა სამინისტროს სისტემის თანამშრომლებს და საქართველოს ფინანსთა სამინისტროსთან არსებული დავების განხილვის საბჭოს წევრებს – ამ პირთა მიერ სამსახურებრივი მოვალეობის შესრულების მიზნით; ბ) სამართალდამცავ ორგანოებს − მათ წარმოებაში არსებულ სისხლის სამართლის საქმეებთან დაკავშირებით; ბ 1 ) (ამოღებულია - 17.12.2026, №1296). ბ 2 ) საქართველოს შინაგან საქმეთა სამინისტროს − საქართველოს კანონმდებლობით გათვალისწინებული უფლებამოსილებების განხორციელების მიზნით; გ) სასამართლოს – სასამართლოს წარმოებაში არსებულ საქმესთან დაკავშირებით, გადასახადის გადამხდელის საგადასახადო ვალდებულებების ან პასუხისმგებლობის განსაზღვრის მიზნით; დ) სხვა სახელმწიფოს კომპეტენტურ ორგანოს – საქართველოს საერთაშორისო ხელშეკრულების შესაბამისად; ე) საქართველოს იუსტიციის სამინისტროს მმართველობის სფეროში შემავალ საჯარო სამართლის იურიდიულ პირს – აღსრულების ეროვნულ ბიუროს (შემდგომ – აღსრულების ეროვნული ბიურო) და კერძო აღმასრულებელს – „სააღსრულებო წარმოებათა შესახებ“ საქართველოს კანონით გათვალისწინებული გადაწყვეტილებების აღსრულების პროცესში ან/და საგადასახადო ორგანოსა და აღსრულების ეროვნულ ბიუროს შორის დადებული ხელშეკრულებით გათვალისწინებული უფლებამოსილებების განხორციელებისას; ვ) საქართველოს სტატისტიკის ეროვნულ სამსახურს (საქსტატს) – საქართველოს მთავრობის მიერ დადგენილი წესის შესაბამისად; ზ) სახელმწიფო აუდიტის სამსახურს – „სახელმწიფო აუდიტის სამსახურის შესახებ“ საქართველოს ორგანული კანონით გათვალისწინებული უფლებამოსილების განხორციელების მიზნით; თ) საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს – საჯარო რეესტრის ეროვნულ სააგენტოს (შემდგომ – საჯარო რეესტრის ეროვნული სააგენტო) საგადასახადო ორგანოსა და საჯარო რეესტრის ეროვნულ სააგენტოს შორის დადებული ხელშეკრულებით გათვალისწინებული უფლებამოსილებების განხორციელებისას; ი) საქართველოს მთავრობის მიერ განსაზღვრულ პირებს , საქართველოს ფინანსთა მინისტრის მიერ დადგენილი წესით გადასახადის გადამხდელისათვის მისი საგადასახადო დავალიანების შესახებ ინფორმაციის მიწოდების მიზნით; კ) (ამოღებულია - 01.05.2015, №3581) ; ლ) საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს − სახელმწიფო სერვისების განვითარების სააგენტოს – საქართველოს კანონმდებლობით გათვალისწინებული უფლებამოსილებების განხორციელებისას; მ) საჯარო სამართლის იურიდიულ პირს – საქართველოს ფინანსური მონიტორინგის სამსახურს – საქართველოს კანონმდებლობით გათვალისწინებული უფლებამოსილებების განხორციელებისას; ნ) საქართველოს გარემოს დაცვისა და სოფლის მეურნეობის სამინისტროს სახელმწიფო საქვეუწყებო დაწესებულებას – გარემოსდაცვითი ზედამხედველობის დეპარტამენტს – საქართველოს კანონმდებლობით განსაზღვრული უფლებამოსილების განხორციელებისას, აგრეთვე საქართველოს გარემოს დაცვისა და სოფლის მეურნეობის სამინისტროს სისტემაში შემავალ საჯარო სამართლის იურიდიულ პირს – ბირთვული და რადიაციული უსაფრთხოების სააგენტოს და საქართველოს თავდაცვის სამინისტროს სამხედრო-ტექნიკურ საკითხთა მუდმივმოქმედ კომისიას – „რადიაციული დაცვის, ბირთვული უსაფრთხოებისა და დაცულობის შესახებ“ საქართველოს კანონით გათვალისწინებული ინფორმაცია; ო) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს და მის სისტემაში შემავალ ადმინისტრაციულ ორგანოებს – საქართველოს კანონმდებლობით გათვალისწინებული უფლებამოსილებების განხორციელების მიზნით; პ) საჯარო სამართლის იურიდიულ პირს – საქართველოს კონკურენციისა და მომხმარებლის დაცვის სააგენტოს – საქართველოს კანონმდებლობით გათვალისწინებული უფლებამოსილებების განხორციელებისას; ჟ) საქართველოს გარემოს დაცვისა და სოფლის მეურნეობის სამინისტროს მმართველობის სფეროში შემავალ საჯარო სამართლის იურიდიულ პირს – სურსათის ეროვნულ სააგენტოს – საქართველოს მთავრობის მიერ დადგენილი წესის შესაბამისად; რ) (ამოღებულია - 17.12.2025, №1282) ; ს) საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს − ციფრული მმართველობის სააგენტოს − ამ სააგენტოს მიერ აღნიშნული ინფორმაციის სახელმწიფო აუდიტის სამსახურისთვის გადასაცემად, „კორუფციის წინააღმდეგ ბრძოლის შესახებ“ საქართველოს კანონითა და მის საფუძველზე გამოცემული კანონქვემდებარე ნორმატიული აქტებით გათვალისწინებული უფლებამოსილებების განხორციელების მიზნით, მონაცემების ელექტრონული მიმოცვლის სისტემის ფუნქციონირებისთვის; ტ) საქართველოს იუსტიციის სამინისტროს მმართველობის სფეროში მოქმედ საჯარო სამართლის იურიდიულ პირს − ციფრული მმართველობის სააგენტოს − საერთაშორისო ვაჭრობაში ჩართულ სუბიექტებს შორის დოკუმენტაციის ელექტრონული მიმოცვლის სისტემის ფუნქციონირებისთვის საჭირო ინფორმაცია; უ) საქართველოს გარემოს დაცვისა და სოფლის მეურნეობის სამინისტროს − „ნარჩენების იმპორტის, ექსპორტის და ტრანზიტის შესახებ“ საქართველოს კანონით გათვალისწინებული ინფორმაცია; ფ) (ამოღებულია - 05.07.2018, №3109) ; ქ) საქართველოს გარემოს დაცვისა და სოფლის მეურნეობის სამინისტროს სისტემაში შემავალ საჯარო სამართლის იურიდიულ პირს – მინერალური რესურსების ეროვნულ სააგენტოს – საქართველოს კანონმდებლობით განსაზღვრული უფლებამოსილების განხორციელებისას; ღ) საჯარო სამართლის იურიდიულ პირს − საქართველოს საპენსიო ფონდს − „დაგროვებითი პენსიის შესახებ“ საქართველოს კანონითა და მის საფუძველზე გამოცემული საქართველოს კანონქვემდებარე ნორმატიული აქტებით გათვალისწინებული უფლებამოსილებების განხორციელების მიზნით; ღ 1 ) საჯარო სამართლის იურიდიულ პირს – საქართველოს დაზღვევის სახელმწიფო ზედამხედველობის სამსახურს − „ნებაყოფლობითი კერძო პენსიის შესახებ“ საქართველოს კანონითა და მის საფუძველზე გამოცემული კანონქვემდებარე ნორმატიული აქტებით გათვალისწინებული უფლებამოსილებების განხორციელების მიზნით; ღ 2 ) „ნებაყოფლობითი კერძო პენსიის შესახებ“ საქართველოს კანონით განსაზღვრულ მზღვეველს, აქტივების მმართველ კომპანიასა და საპენსიო კომპანიას − იმავე კანონითა და მის საფუძველზე გამოცემული კანონქვემდებარე ნორმატიული აქტებით გათვალისწინებული უფლებამოსილებების განხორციელების მიზნით; ყ) საქართველოს ეკონომიკისა და მდგრადი განვითარების სამინისტროს სისტემაში შემავალ საჯარო სამართლის იურიდიულ პირს − ბაზარზე ზედამხედველობის სააგენტოს − საქართველოს კანონმდებლობით გათვალისწინებული უფლებამოსილების განხორციელებისას; შ) საქართველოს იუსტიციის სამინისტროს − მისთვის საქართველოს კანონმდებლობით მინიჭებული არბიტრაჟში ან უცხო ქვეყნის სასამართლოში სახელმწიფო წარმომადგენლობის, აგრეთვე საერთაშორისო სასამართლოში, კერძოდ, ადამიანის უფლებათა ევროპულ სასამართლოში, გაერთიანებული ერების ორგანიზაციის სამოქალაქო და პოლიტიკური უფლებების შესახებ საერთაშორისო პაქტის საფუძველზე შექმნილ ადამიანის უფლებათა კომიტეტსა და გაერთიანებული ერების ორგანიზაციის სხვა კონვენციების საფუძველზე შექმნილ კომიტეტებში და გაერთიანებული ერების ორგანიზაციის მართლმსაჯულების საერთაშორისო სასამართლოში სახელმწიფო წარმომადგენლობის უფლებამოსილების განხორციელების მიზნით; ჩ) საქართველოს საზღვაო სივრცის სამართლებრივი რეჟიმის კონტროლის უზრუნველყოფის მიზნით, სახელმწიფო საზღვრის დაცვის სუბიექტებისა და სახელმწიფო სასაზღვრო რეჟიმის დაცვასთან დაკავშირებული საქართველოს აღმასრულებელი ხელისუფლების ორგანოების საზღვაო ოპერაციების ერთობლივი მართვის ცენტრს − საქართველოს კანონმდებლობით განსაზღვრული უფლებამოსილების განხორციელებისას; ც) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლისადმი დაქვემდებარებულ საჯარო სამართლის იურიდიულ პირს – შრომის ინსპექციის სამსახურს − საქართველოს კანონმდებლობით გათვალისწინებული უფლებამოსილებების განხორციელებისას; ძ) საქართველოს ეკონომიკისა და მდგრადი განვითარების სამინისტროს სისტემაში შემავალ საჯარო სამართლის იურიდიულ პირს − სახმელეთო ტრანსპორტის სააგენტოს − საქართველოს კანონმდებლობით გათვალისწინებული უფლებამოსილებების განხორციელებისას; ძ 1 ) ქალაქ თბილისის მუნიციპალიტეტის წარმომადგენლობითი ორგანოს მიერ განსაზღვრულ მერიის სტრუქტურულ ერთეულს, ფიზიკურ პირს ან იურიდიულ პირს − საქართველოს ადმინისტრაციულ სამართალდარღვევათა კოდექსის 135 2 მუხლით გათვალისწინებულ ადმინისტრაციულ სამართალდარღვევათა საქმეების განხილვის მიზნით; [ წ) საჯარო სამართლის იურიდიულ პირს – საჯარო შესყიდვების სააგენტოს – „საჯარო შესყიდვების შესახებ“ საქართველოს კანონით გათვალისწინებული უფლებამოსილებების განხორციელებისას; ჭ) საჯარო შესყიდვებთან დაკავშირებული დავების განხილვის საბჭოს – „საჯარო შესყიდვების შესახებ“ საქართველოს კანონით გათვალისწინებული უფლებამოსილებების განხორციელებისას; (ამოქმედდეს 2030 წლის 1 იანვრიდან)] ხ) საქართველოს მთავრობის დადგენილებით განსაზღვრული წესის შესაბამისად, იმ „საავტორო და მომიჯნავე უფლებების შესახებ“ საქართველოს კანონის 63-ე მუხლის მე-2 პუნქტით განსაზღვრულ ქონებრივი უფლებების კოლექტიურ საფუძველზე მმართველ ორგანიზაციას, რომელსაც აქვს იმავე კანონის 21-ე მუხლის მე-3 პუნქტით გათვალისწინებული უფლებამოსილება  და მოქმედებს საქართველოს მთავრობის დადგენილების შესაბამისად. ჯ) საქართველოს მთავრობის ადმინისტრაციას – „საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონით გათვალისწინებული გადაწყვეტილებების შესრულების კონტროლის ხელშეწყობის ფუნქციის შესრულების მიზნით. ჰ) საქართველოს თავდაცვის სამინისტროს − „იარაღის შესახებ“, „სამხედრო და ორმაგი დანიშნულების პროდუქციის კონტროლის შესახებ“ და „ლიცენზიებისა და ნებართვების შესახებ“ საქართველოს კანონებით გათვალისწინებული სანებართვო პირობების შესრულების კონტროლის მიზნით, მისი კომპეტენციის ფარგლებში.

3.საგადასახადო ორგანოს თანამშრომელი ვალდებულია დაიცვას სამსახურებრივი მოვალეობის შესრულების დროს მიღებული ინფორმაციის საიდუმლოება, არ გამოიყენოს იგი პირადი მიზნებისათვის ან არ გადასცეს სხვა პირს, რაც ითვლება საგადასახადო საიდუმლოების გახმაურებად. საგადასახადო საიდუმლოების შემცველი დოკუმენტების დაკარგვა ან ასეთი ინფორმაციის გახმაურება იწვევს პასუხისმგებლობას საქართველოს კანონმდებლობის შესაბამისად.

3¹.ამ მუხლის მე-2 ნაწილის „პ“ და „ჟ“ ქვეპუნქტებით გათვალისწინებულ საჯარო სამართლის იურიდიულ პირებს და მათ თანამშრომლებს, რომლებმაც მიიღეს ამ მუხლით განსაზღვრული ინფორმაცია, უფლება არ აქვთ, გაახმაურონ ამ ინფორმაციის საიდუმლოება.

4.საგადასახადო ორგანოში არსებულ, საგადასახადო საიდუმლოების შემცველ ინფორმაციას აქვს შენახვისა და დამუშავების სპეციალური რეჟიმი. საგადასახადო საიდუმლოების შემცველ ინფორმაციასთან შეიძლება დაშვებულ იქნენ მხოლოდ საქართველოს ფინანსთა მინისტრის მიერ განსაზღვრული უფლებამოსილი პირები ფინანსთა მინისტრის მიერვე დადგენილი წესის შესაბამისად.

5.გადასახადის გადამხდელის წერილობითი/ელექტრონული ნებართვის შემთხვევაში გადასახადის გადამხდელის შესახებ ინფორმაცია შეიძლება გადაეცეს სხვა პირს. გადასახადის გადამხდელის მიერ ამ ინფორმაციის საჯაროდ, მასობრივი ინფორმაციის საშუალებებში გამოქვეყნება ან/და გავრცელება მიიჩნევა გადასახადის გადამხდელის ნებართვად აღნიშნული ინფორმაციის ფარგლებში საგადასახადო ორგანოს მიერ მესამე პირისათვის ინფორმაციის გადაცემაზე.

6.ეს მუხლი არ გამოიყენება ამ კოდექსის 44-ე მუხლით გათვალისწინებული საჯარო შეტყობინების, აგრეთვე ეკონომიკური საქმიანობის ყალბი საგადასახადო დოკუმენტებით განმახორციელებელ პირთა შესახებ ინფორმაციის შემოსავლების სამსახურის მიერ გავრცელების მიმართ. საქართველოს 2011 წლის 22 თებერვლის კანონი №4206- ვებგვერდი, 10.03.2011წ. საქართველოს 2011 წლის 24 ივნისის კანონი №4963 - ვებგვერდი, 30.06.2011წ. საქართველოს 2011 წლის 20 დეკემბრის კანონი №5556 - ვებგვერდი, 30.12.2011წ. საქართველოს 2012 წლის 15 მაისის კანონი №6211 – ვებგვერდი, 29.05.2012წ. საქართველოს 2012 წლის 25 მაისის კანონი №6330 – ვებგვერდი, 08.06.2012წ. საქართველოს 2012 წლის 25 მაისის კანონი №6317 - ვებგვერდი, 19.06.2012წ. საქართველოს 2012 წლის 12 ივნისის კანონი №6446 – ვებგვერდი, 25.06.2012წ. საქართველოს 2012 წლის 12 ივნისის კანონი №6444 – ვებგვერდი, 25.06 .2012წ . საქართველოს 2012 წლის 22 ივნისის კანონი №6550 – ვებგვერდი, 29.06.2012წ. საქართველოს 2013 წლის 25 მარტის კანონი №491 – ვებგვერდი, 05.04.2013წ. საქართველოს 2013 წლის 26 დეკემბრის კანონი №1886 - ვებგვერდი, 30.12.2013წ. საქართველოს 2014 წლის 21 მარტის კანონი №2160 - ვებგვერდი, 27.03.2014წ. საქართველოს 2014 წლის 29 მაისის კანონი №2466 - ვებგვერდი, 02.06.2014წ. საქართველოს 2015 წლის 1 მაისის კანონი №3581 - ვებგვერდი, 15.05.2015წ. საქართველოს 2015 წლის 28 მაისის კანონი №3613 - ვებგვერდი, 04.06.2015წ. საქართველოს 2015 წლის 29 მაისის კანონი №3673 - ვებგვერდი, 04.06.2015წ. საქართველოს 2015 წლის 27 ოქტომბრის  კანონი №4368 - ვებგვერდი, 11.11.2015წ. საქართველოს 2015 წლის 28 ოქტომბრის  კანონი №4458 - ვებგვერდი, 11.11.2015წ. საქართველოს 2015 წლის 11 ნოემბრის კანონი №4493 - ვებგვერდი, 24.11.2015წ. საქართველოს 2015 წლის 18 დეკემბრის კანონი №4680 - ვებგვერდი, 29.12.2015წ. საქართველოს 2016 წლის 13 აპრილის კანონი №4958 - ვებგვერდი, 26.04.2016წ. საქართველოს 2016 წლის 27 მაისის კანონი №5144 - ვებგვერდი, 04.06.2016წ. საქართველოს 2016 წლის 22 დეკემბრის კანონი №195 - ვებგვერდი, 29.12.2016წ. საქართველოს 2017 წლის 30 ივნისის კანონი №1182 - ვებგვერდი, 13.07.2017წ. საქართველოს 2017 წლის 7 დეკემბრის კანონი №1701 – ვებგვერდი, 14.12.2017წ. საქართველოს 2018 წლის 5 ივლისის კანონი №3109 – ვებგვერდი, 11.07.2018წ. საქართველოს 2018 წლის 21 ივლისის კანონი №3308 – ვებგვერდი, 06.08.2018წ. საქართველოს 2018 წლის 21 ივლისის კანონი №3279 – ვებგვერდი, 09.08.2018წ. საქართველოს 2018 წლის 5 სექტემბრის კანონი №3383 – ვებგვერდი, 24.09.2018წ. საქართველოს 2018 წლის 27 დეკემბრის კანონი №4260 – ვებგვერდი, 29.12.2018წ. საქართველოს 2019 წლის 8 მაისის კანონი №4599 - ვებგვერდი, 08.05.2019წ. საქართველოს 2019 წლის 28 ივნისის კანონი №4906 – ვებგვერდი, 04.07.2019წ. საქართველოს 2019 წლის 20 დეკემბრის კანონი №5691 – ვებგვერდი, 26.12.2019წ. საქართველოს 2020 წლის 17 მარტის კანონი №5758 – ვებგვერდი, 23.03.2020წ. საქართველოს 2020 წლის 12 ივნისის კანონი №6301 – ვებგვერდი, 26.06.2020წ. საქართველოს 2020 წლის 14 ივლისის კანონი №6817  – ვებგვერდი, 22.07.2020წ. საქართველოს 2020 წლის 16 სექტემბრის კანონი №7132 – ვებგვერდი, 21.09.2020წ. საქართველოს 2020 წლის 29 სექტემბრის კანონი №7183  – ვებგვერდი, 05.10.2020წ. საქართველოს 2021 წლის 16 დეკემბრის კანონი №1148 – ვებგვერდი, 27.12.2021წ. საქართველოს 2021 წლის 30 დეკემბრის კანონი №1331 – ვებგვერდი, 13.01.2022წ. საქართველოს 2022 წლის 16 თებერვლის კანონი №1384 – ვებგვერდი, 23.02.2022წ. საქართველოს 2022 წლის 30 ნოემბრის კანონი №2214 – ვებგვერდი, 15.12.2022წ. საქართველოს 2022 წლის 1 დეკემბრის კანონი №2285 – ვებგვერდი, 15.12.2022წ. საქართველოს 2023 წლის 9 თებერვლის კანონი №2578 – ვებგვერდი, 27.02.2023წ. საქართველოს 2023 წლის 5 აპრილის კანონი №2768 – ვებგვერდი, 18.04.2023წ. საქართველოს 2023 წლის 16 ივნისის კანონი №3290 – ვებგვერდი, 06.07.2023წ. საქართველოს 2023 წლის 28 ივნისის კანონი №3350 – ვებგვერდი, 19.07.2023წ. საქართველოს 2023 წლის 29 ნოემბრის კანონი №3759 – ვებგვერდი, 11.12.2023წ. საქართველოს 2023 წლის 15 დეკემბრის კანონი №3965 – ვებგვერდი, 25.12.2023წ. საქართველოს 2023 წლის 15 დეკემბრის კანონი №4022 – ვებგვერდი, 28.12.2023წ. საქართველოს 2024 წლის 27 ივნისის კანონი №4324 – ვებგვერდი, 12.07.2024წ. საქართველოს 2024 წლის 5 სექტემბრის კანონი №4427 – ვებგვერდი, 23.09.2024წ. საქართველოს 2025 წლის 13 მაისის კანონი №561 - ვებგვერდი, 16.05.2025წ. საქართველოს 2025 წლის 12 ნოემბრის კანონი №1055 – ვებგვერდი, 17.11.2025წ. საქართველოს 2025 წლის 25 ნოემბრის კანონი №1074 – ვებგვერდი, 27.11.2025წ. საქართველოს 2025 წლის 17 დეკემბრის კანონი №1282 – ვებგვერდი, 18.12.2025წ. საქართ ველოს 2025 წლის 17 დეკემბრის კანონი №1296 – ვებგვერდი, 23.12.2025წ. საქართველოს 2026 წლის 10 ივნისის კანონი №1713 – ვებგვერდი, 15.06.2026წ. საქართველოს 2026 წლის 25 ივნისის კანონი №1829 – ვებგვერდი, 02.07.2026წ .

ტექსტი თარიღის მიხედვით

რომელი ტექსტი მოქმედებდა ან იმოქმედებს არჩეულ დღეს.

ამ დღეს ზოგი ცვლილება უკვე მოქმედებდა, ზოგი ჯერ არა, და ამ მუხლის იმდროინდელ ტექსტს ზუსტად ვერ ვადგენთ.

ამ მუხლის ტექსტები დროში

  1. 29 მაი. 2023 – 1 იან. 2030 ტექსტი უცნობია

  2. 23 თებ. 2022 – 1 მარ. 2022 ტექსტი უცნობია

თარიღები ცვლილების აქტის ამოქმედების დღეებია. თუ აქტი რომელიმე დებულებას სხვა დღეს ამოქმედებს, ეს აქ არ ჩანს.

ამ მუხლის ისტორია· 59

ცვლილებები, რომლებიც ამ მუხლმა გაიარა

შენიშვნები ცვლილების აქტის ტექსტიდან ავტომატურად არის შედგენილი და შესაძლოა უზუსტობას შეიცავდეს.

  1. ჯერ არ ამოქმედებულა· გამოქვეყნდა 27 თებ. 2023
  2. 39-ე მუხლის „ზ“ ქვეპუნქტიდან ამოღებულია პერსონალურ მონაცემთა დაცვის კანონით გათვალისწინებული შემოწმებისა და მოსამართლის ბრძანების მითითება. ქვეპუნქტი ახლა მხოლოდ სახელმწიფო აუდიტის სამსახურის ორგანული კანონით გათვალისწინებული უფლებამოსილების განხორციელების მიზანს ასახელებს.

  3. · გამოქვეყნდა 23 დეკ. 2025
  4. · გამოქვეყნდა 18 დეკ. 2025
  5. · გამოქვეყნდა 12 ივლ. 2024
  6. · გამოქვეყნდა 19 ივლ. 2023
  7. · გამოქვეყნდა 28 დეკ. 2023
  8. · გამოქვეყნდა 25 დეკ. 2023
  9. · გამოქვეყნდა 11 დეკ. 2023
  10. · გამოქვეყნდა 18 აპრ. 2023
  11. · გამოქვეყნდა 15 დეკ. 2022
  12. · გამოქვეყნდა 13 იან. 2022
  13. · გამოქვეყნდა 27 დეკ. 2021
  14. · გამოქვეყნდა 22 ივლ. 2020

    39-ე მუხლში გაფართოვდა საჯარო ინფორმაციის ჩამონათვალი და ინფორმაციის მიმღებ ორგანოთა წრე (იუსტიციის სამინისტრო, საზღვაო ოპერაციების ცენტრი), ხოლო გამონაკლისი 44-ე მუხლის მთლიან მოქმედებას უკავშირდება.

  15. · გამოქვეყნდა 4 ივლ. 2019

    39-ე მუხლის პირველ ნაწილში ინფორმაციის მიმღებთა ჩამონათვალს დაემატა ტექნიკური და სამშენებლო ზედამხედველობის სააგენტო, ხოლო მე-5 ნაწილში ნებართვა შეიძლება იყოს ელექტრონულიც და შეიცვალა საჯარო გამოქვეყნების ფორმულირება.

  16. · გამოქვეყნდა 26 ივნ. 2020
  17. · გამოქვეყნდა 23 მარ. 2020
  18. · გამოქვეყნდა 26 დეკ. 2019
  19. · გამოქვეყნდა 9 აგვ. 2018

    39-ე მუხლის პირველ პუნქტში „ბ“ და „გ“ ქვეპუნქტებს შორის დაემატა „ბ¹“ ქვეპუნქტი, რომლის თანახმადაც სახელმწიფო ინსპექტორის სამსახური დასახელებულია ორგანოდ, რომელსაც ინფორმაცია მიეწოდება მისი კანონით გათვალისწინებული შემოწმებისას.

  20. 39-ე მუხლის პირველ ნაწილში „თ“ ქვეპუნქტამდე დაემატა „ზ“ ქვეპუნქტი, რომელიც სახელმწიფო აუდიტის სამსახურს ანიჭებს გადამხდელის შესახებ ინფორმაციის მიღების შესაძლებლობას მოსამართლის ბრძანების საფუძველზე; ნორმა ამოქმედდება მომდევნო არჩევნებში არჩეული პრეზიდენტის ფიცის დადებისთანავე.

  21. 39-ე მუხლის პირველ ნაწილში „ქ“ ქვეპუნქტის შემდეგ დაემატა „ღ“ ქვეპუნქტი, რომლის მიხედვითაც ინფორმაციის მიმღებ პირთა წრეში შედის საპენსიო სააგენტო ფინანსთა მინისტრის ბრძანებით დადგენილი ფორმით.

  22. 39-ე მუხლში „ო“ ქვეპუნქტის სამინისტროს დასახელებას დაემატა „ოკუპირებული ტერიტორიებიდან დევნილთა,“, ხოლო „ფ“ ქვეპუნქტი, რომელიც ცალკე ასახელებდა იძულებით გადაადგილებულ პირთა, განსახლებისა და ლტოლვილთა სამინისტროს, ამოღებულია.

  23. · გამოქვეყნდა 13 ივლ. 2017

    პირველ ნაწილში საიდუმლოების გამონაკლისები გადატანილია ახალ 1¹ ნაწილში, სადაც საჯარო ინფორმაციის დეტალური ჩამონათვალია. მე-2 ნაწილს დაემატა „ფ“ ქვეპუნქტი დევნილთა სამინისტროს შესახებ.

  24. 39-ე მუხლის „ნ“, „ჟ“ და „უ“ ქვეპუნქტებში სამინისტროს სახელწოდება გარემოს დაცვისა და სოფლის მეურნეობის სამინისტროთი შეიცვალა, ხოლო ახალი „ქ“ ქვეპუნქტით წიაღის ეროვნული სააგენტო დაემატა იმ ორგანოთა ჩამონათვალს, რომლებსაც გადასახადის გადამხდელის შესახებ ინფორმაცია შეიძლება გადაეცეს.

  25. · გამოქვეყნდა 11 ნოე. 2015

    39-ე მუხლის პირველ ნაწილში „რ“ ქვეპუნქტის შემდეგ დაემატა „ს“ ქვეპუნქტი, რომლითაც საჯარო სამსახურის ბიურო ინფორმაციის მიმღებ ორგანოთა წრეში შევიდა.

  26. · გამოქვეყნდა 30 დეკ. 2013

    39-ე მუხლში შეიცვალა „ბ“ ქვეპუნქტით სამართალდამცავ ორგანოებზე ინფორმაციის გაცემის საფუძველი და დაემატა „რ“ ქვეპუნქტი საგადასახადო ომბუდსმენის შესახებ.

  27. · გამოქვეყნდა 26 აპრ. 2016

    39-ე მუხლის პირველ პუნქტში „ტ“ ქვეპუნქტის შემდეგ დაემატა „უ“ ქვეპუნქტი, რომლითაც გარემოსა და ბუნებრივი რესურსების დაცვის სამინისტრო ნარჩენების იმპორტის, ექსპორტისა და ტრანზიტის შესახებ კანონით გათვალისწინებული ინფორმაციის მიმღებ ორგანოდ განისაზღვრა.

  28. · გამოქვეყნდა 4 ივნ. 2016
  29. · გამოქვეყნდა 24 ნოე. 2015
  30. · გამოქვეყნდა 29 დეკ. 2015

    39-ე მუხლის პირველი ნაწილის ინფორმაციის გაცემის ჩამონათვალს დაემატა ტ) ქვეპუნქტი, რომლის მიხედვითაც მონაცემთა გაცვლის სააგენტოს მიეწოდება ელექტრონული მიმოცვლის სისტემის ფუნქციონირებისათვის საჭირო ინფორმაცია.

  31. · გამოქვეყნდა 15 მაი. 2015
  32. 39-ე მუხლის პირველი ნაწილის „დ“ ქვეპუნქტში ინფორმაციის გადაცემის ადრესატად დასახელებულია სხვა სახელმწიფოს კომპეტენტური ორგანო, საქართველოს საერთაშორისო ხელშეკრულების შესაბამისად.

  33. 39-ე მუხლის „ნ“ ქვეპუნქტში შეიცვალა ინფორმაციის მიმღები კომისიის დასახელების ფორმულირება („სამინისტროს სამხედრო-ტექნიკურ…“).

  34. · გამოქვეყნდა 24 დეკ. 2014
  35. · გამოქვეყნდა 2 ივნ. 2014

    39-ე მუხლის 1-ლი პუნქტის „მ“ ქვეპუნქტში ამოღებულია სიტყვები „საქართველოს ეროვნულ ბანკთან შექმნილ“; ფინანსური მონიტორინგის სამსახური ახლა აღწერილია როგორც საჯარო სამართლის იურიდიული პირი.

  36. · გამოქვეყნდა 27 მარ. 2014

    39-ე მუხლის პირველი პუნქტის „პ“ ქვეპუნქტში სააგენტოს სახელწოდება შეიცვალა „კონკურენციის სააგენტოდ“, ამოღებულია მოსამართლის ბრძანების მითითება და უფლებამოსილების ფორმულირება ახლებურად არის გადმოცემული.

  37. · გამოქვეყნდა 5 აპრ. 2013

    39-ე მუხლის 1-ლი პუნქტის „ნ“ ქვეპუნქტში სამინისტროს დასახელება შეიცვალა „გარემოსა და ბუნებრივი რესურსების დაცვის სამინისტროთი“; ბირთვული და რადიაციული უსაფრთხოების კანონით გათვალისწინებული ინფორმაციის გადაცემის წესი არ შეცვლილა.

  38. · გამოქვეყნდა 29 ივნ. 2012

    39-ე მუხლის მე-3 და მე-5 პუნქტებში კონტროლის პალატის დასკვნისა და მოხსენების ადგილას სახელმწიფო აუდიტის სამსახური მიეთითა.

  39. 39-ე მუხლის პირველ ნაწილში საგადასახადო დავალიანების შესახებ ინფორმაცია საგადასახადო საიდუმლოებას აღარ განეკუთვნება, სტატუსის, სახელწოდების, მისამართისა და ნომრის მსგავსად.

  40. მე-2 ნაწილში დაემატა „პ“ და „ჟ“ ქვეპუნქტები, რომლებიც საგადასახადო ინფორმაციის მიმღებად ასახელებს კონკურენციისა და სახელმწიფო შესყიდვების სააგენტოს (მოსამართლის ბრძანებით) და სურსათის ეროვნულ სააგენტოს (მთავრობის დადგენილი წესით); ახალი 3¹ ნაწილი ამ ორგანოებს და მათ თანამშრომლებს უკრძალავს ინფორმაციის საიდუმლოების გახმაურებას.

  41. 39-ე მუხლში დაემატა „ო“ ქვეპუნქტი, რომელიც ინფორმაციის მიმღებად ასახელებს შრომის, ჯანმრთელობისა და სოციალური დაცვის სამინისტროს და მის სისტემის ადმინისტრაციულ ორგანოებს.

  42. 39-ე მუხლის პირველ ნაწილს დაემატა „ნ“ ქვეპუნქტი ახალი ადრესატით — სამხედრო-ტექნიკურ საკითხთა მუდმივმოქმედი კომისია.

  43. · გამოქვეყნდა 30 დეკ. 2011

    39-ე მუხლის მე-2 ნაწილში გაფართოვდა ინფორმაციის მიმღებთა წრე (კერძო აღმასრულებელი, სამოქალაქო რეესტრის სააგენტო, ფინანსური მონიტორინგის სამსახური), ხოლო მე-6 ნაწილში დაემატა გამონაკლისი ყალბ საგადასახადო დოკუმენტებზე ინფორმაციის გავრცელებისთვის.

  44. · გამოქვეყნდა 30 ივნ. 2011

    39-ე მუხლში გადასახადის გადამხდელის შესახებ ინფორმაციის გამჟღავნების გამონაკლისების ჩამონათვალს დაემატა „ი“ და „კ“ ქვეპუნქტები.

  45. 39-ე მუხლში „ე“ ქვეპუნქტით ინფორმაციის მიმღები აღმასრულებლის ნაცვლად აღსრულების ეროვნული ბიუროა, მათ შორის ხელშეკრულებით გათვალისწინებული უფლებამოსილებისას; „თ“ ქვეპუნქტით იგივე ეხება საჯარო რეესტრის ეროვნულ სააგენტოს.

რას გთავაზობთ Legal.Ge ამ მუხლთან დაკავშირებით

სერვისები, რომლებიც ამ მუხლს ეხება

სპეციალისტები ამ სფეროში

ეს ვერიფიცირებული სპეციალისტები მუშაობენ ამ მუხლთან დაკავშირებულ სამართლებრივ სფეროში.

ლიანა ზაგაშვილი

ლიანა ზაგაშვილი

ადვოკატი | ინტელექტუალური საკუთრების სამართლის სპეციალისტი | სასაქონლო ნიშნები, საავტორო სამართალი და ხელოვნური ინტელექტი

დამოუკიდებელი ვერიფიცირებული

კონსულტაცია: ₾200-დან

ვახტანგ ბარამაშვილი

ვახტანგ ბარამაშვილი

ადვოკატი, Legal.Ge-ს დამფუძნებელი, ბლოკჩეინისა, კრიპტოვალუტის და iGaming-ის ადვოკატი

კომპანია ვერიფიცირებული

კონსულტაცია: ₾200

ავთანდილ კუჭავა

ავთანდილ კუჭავა

CEO

კომპანია ვერიფიცირებული

კონსულტაცია: ფასი შეთანხმებით

მსგავსი მუხლები მთელ კანონმდებლობაში

მნიშვნელობით ახლოს, სხვა კანონებშიც

სამართლებრივი რუკა

დააწკაპუნე გასახსნელად
6321⁴⁶135²2144637038414310 (დ…9 (და…5 (და…112439
მითითებამნიშვნელობით ახლოსსაქართველოს საბაჟო კოდ…გადასახადების ადმინისტ…საავტორო და მომიჯნავე …საქართველოს ადმინისტრა…საქართველოს საგადასახა…საქართველოს ადმინისტრა…

წყარო: საქართველოს საკანონმდებლო მაცნე (matsne.gov.ge) · კონსოლიდირებული ვერსია, · რედაქცია №248 · ბოლოს შემოწმდა