1.საქართველოს სახელმწიფო ბიუჯეტი სრულდება საქართველოს ფინანსთა და საგადასახადო შემოსავლების სამინისტროების მიერ შედგენილი განწერის მიხედვით. საგადასახადო შემოსავლების განწერაში საბიუჯეტო წლის ნახევრის, კვარტალისა და თვის საგადასახადო შემოსავლების საპროგნოზო მაჩვენილი არ უნდა იყოს სახელმწიფო ბიუჯეტით დამტკიცებული წლიური მაჩვენებლის შესაბამისად 48, 23 და 7 პროცენტზე ნაკლები. საქართველოს სახელმწიფო ბიუჯეტის შესრულების კონტროლს ახორციელებს საქართველოს პარლამენტი და საქართველოს კონტროლის პალატა მოქმედი კანონმდებლობის შესაბამისად . ოპერატიული კონტროლი შემოსავლის დროულ და სრულ მობილიზებაზე , აგრეთვე ამ სახსრების ხარჯვაზე ეკისრებათ საქართველოს ფინანსთა სამინისტროს და მისი სისტემის ტერიტორიულ სტრუქტურულ ერთეულებს . 1 1 . საქართველოს სახელმწიფო ბიუჯეტის კონტროლს საქართველოს კანონმდებლობის შესაბამისად ახორციელებენ საქართველოს პარლამენტი და საქართველოს კონტროლის პალატა. ოპერატიული კონტროლი საგადასახადო შემოსავლების სრულ და დროულ შესრულებაზე ეკისრება საქართველოს საგადასახადო შემოსავლების სამინისტროს (საგზაო ფონდის იმ შემოსავლების ნაწილში, რომელთა ადმინისტრირებასაც ახდენს საქართველოს საავტომობილო გზების სახალმწიფო დეპარტამენტი – საქართველოს საავტომობილო გზების სახელმწიფო დეპარტამენტს), ხოლო სხვა შემოსავლებისა და სახელმწიფო ბიუჯეტის სახსრების ხარჯვაზე – საქართველოს ფინანსთა სამინისტროს.
2.საბიუჯეტო წლის განმავლობაში საქართველოს სახელმწიფო ბიუჯეტის შესრულების პროცესის მიმდინარეობას ყოველკვარტალურად განიხილავენ საქართველოს პარლამენტის კომიტეტები . განხილვის პროცესს ორგანიზაციას უწევს პარლამენტის საფინანსო - საბიუჯეტო კომიტეტი . აუცილებლობის შემთხვევაში განხილვის შედეგები მოხსენდება საქართველოს პარლამენტს . საქართველოს 2002 წლის 20 მარტის კანონი №1335-სსმI,№6,02.04.2002წ.,მუხ.36