რეაბილიტაციისა და კრედიტორთა კოლექტიური დაკმაყოფილების შესახებ
მუხლი 114. კრედიტორის უფლებების განხორციელება
რედაქცია №4 კონსოლიდირებული · 27 ივნ. 2024
თემები:გადახდისუუნარობის საქმე
რეაბილიტაციისა და კრედიტორთა კოლექტიური დაკმაყოფილების შესახებ
მნიშვნელობით ახლოს — სხვა კანონებშიც
რეაბილიტაციისა და კრედიტორთა კოლექტიური დაკმაყოფილების შესახებ
ყოველთვის განახლებული სამართლებრივი ჩარჩო
1.კრედიტორი უფლებამოსილია ერთი მოვალის მიმართ თავისი მოთხოვნები სხვადასხვა ქვეყანაში მიმდინარე გადახდისუუნარობის საქმეთა წარმოებებში ერთდროულად დაარეგისტრიროს/დაადგინოს.
2.მმართველი/რეაბილიტაციის ზედამხედველი უფლებამოსილია მის წარმოებაში არსებულ გადახდისუუნარობის საქმეზე კრედიტორთა რეესტრში აღრიცხული მოთხოვნა დაარეგისტრიროს აგრეთვე იმავე მოვალის მიმართ უცხო ქვეყანაში მიმდინარე გადახდისუუნარობის საქმის ფარგლებში, თუ ამას ითვალისწინებს აღნიშნული ქვეყნის კანონმდებლობა. კრედიტორი უფლებამოსილია თავიდანვე თქვას უარი ამგვარ რეგისტრაციაზე ან მოგვიანებით გაიხმოს იგი.
3.მმართველი/რეაბილიტაციის ზედამხედველი უფლებამოსილია კრედიტორის სახელით ისარგებლოს ხმის მიცემის უფლებით, ამ მუხლის მე-2 პუნქტის შესაბამისად უცხო ქვეყანაში დარეგისტრირებული მოთხოვნიდან გამომდინარე, თუ თავად კრედიტორი სხვა გადაწყვეტილებას არ მიიღებს.
ეს იურისტები მუშაობენ ამ მუხლთან დაკავშირებულ სამართლებრივ სფეროში.
