დნმ-ის მონაცემთა ბაზის შესახებ
მუხლი 6. დნმ-ის მონაცემთა ბაზის დამუშავების ძირითადი წესები
რედაქცია №1 გადამოწმებულია მოქმედ რედაქციასთან · 10 დეკ. 2025
დნმ-ის მონაცემთა ბაზის შესახებ
მნიშვნელობით ახლოს — სხვა კანონებშიც
დნმ-ის მონაცემთა ბაზის შესახებ
ყოველთვის განახლებული სამართლებრივი ჩარჩო
1.გენეტიკური პროფილის განსაზღვრასა და დნმ-ის მონაცემთა ბაზაში რეგისტრაციას უზრუნველყოფენ ბიურო და სამინისტროს უფლებამოსილი სტრუქტურული ერთეული.
2.დნმ-ის მონაცემთა ბაზაში შენახული გენეტიკური პროფილის შესახებ ინფორმაცია სამინისტროს საინფორმაციო ბაზაში შეიტანება. ბიოლოგიური ნიმუშის განმეორებით აღების თავიდან აცილების მიზნით ეს საინფორმაციო ბაზა ხელმისაწვდომია საგამოძიებო ორგანოების, სპეციალური პენიტენციური სამსახურისა და საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – დანაშაულის პრევენციის, არასაპატიმრო სასჯელთა აღსრულებისა და პრობაციის ეროვნული სააგენტოს უფლებამოსილი თანამშრომლებისთვის.
3.გენეტიკური პროფილი სხვა ქვეყანას ან საერთაშორისო ორგანიზაციას გადაეცემა „პერსონალურ მონაცემთა დაცვის შესახებ“ საქართველოს კანონის მოთხოვნების შესაბამისად, საქართველოს საერთაშორისო ხელშეკრულების, ინდივიდუალური შეთანხმების ან ნაცვალგების პირობების საფუძველზე, თუ არსებობს კომპეტენტური ორგანოს შუამდგომლობა სამართლებრივი დახმარების აღმოჩენის შესახებ.
4.დანაშაულის პრევენციის, დანაშაულის გახსნისა და გამოძიების, აგრეთვე დაკარგული პირის იდენტიფიკაციის მიზნით დასაშვებია სხვა ქვეყნის სახელმწიფო უწყების მიერ დამუშავებული გენეტიკური პროფილის გამოთხოვა და დნმ-ის მონაცემთა ბაზაში რეგისტრაცია.
5.ბიოლოგიური ნიმუშის აღებისა და განადგურების, ბიოლოგიური ნიმუშის პროფილირების, გენეტიკური პროფილის დამუშავებისა და გაცვლის (მათ შორის, გენეტიკური პროფილის დნმ-ის მონაცემთა ბაზაში შენახვის ვადის ათვლის) წესი მტკიცდება, აგრეთვე ამ კანონის აღსასრულებლად საჭირო სხვა ორგანიზაციულ-ტექნიკური საკითხები განისაზღვრება საქართველოს მთავრობის დადგენილებით.
ეს იურისტები მუშაობენ ამ მუხლთან დაკავშირებულ სამართლებრივ სფეროში.
ლიანა ზაგაშვილიიურისტიდამოუკიდებელი
ვახტანგ ბარამაშვილიადვოკატი, Legal Sandbox-ის დამფუძნებელიკომპანია
იოსებ გაბარაევისამართლის დოქტორი, პროფესორი, ადვოკატიდამოუკიდებელი
ლექსო სვიმონიშვილიადვოკატიკომპანია
გიორგი ფანცულაიაადვოკატი, "გიორგი ფანცულაია და პარტნიორები"-ს დამფუძნებელიკომპანია
მარიამ ჯორბენაძეადვოკატი სისხლის სამართლის სპეზიალიზაციითკომპანია