რეგულირების ობიექტის ინსპექტირების განხორციელებისათვის საჭირო დოკუმენტები , აღჭურვილობა და სპეციალური ტანსაცმლის ( უნიფორმის ) გამოყენება 1. ინსპექტირების განმახორციელებელ პირს უფლება აქვს თან იქონიოს შემდეგი აღჭურვილობა და დოკუმენტები : ა ) კავშირგაბმულობის საშუალებები ; ბ ) პორტატული პერსონალური კომპიუტერი ; გ ) ოქმები , აქტების ბლანკები , ახსნა - განმარტების ბლანკები ; დ ) შესაბამისი სქემები , რუკები , პარამეტრების ჩამონათვალი ან სხვა დოკუმენტები ; ე ) რეგულირების ობიექტის საქმიანობის შესახებ ანგარიშები და სხვა მონაცემები ; ვ ) ლაბორატორიული სინჯის ასაღები და გამზომი ხელსაწყოები ; ზ ) ფოტო და ვიდეოკამერა ; თ ) ასევე ნებისმიერი სხვა აღჭურვილობა ან დოკუმენტები , რომლებიც სჭირდება მას ინსპექტირების სრულყოფილად განხორციელებისათვის .
2.ინსპექტირების განხორციელებისას , ინსპექტირების განმახორციელებელ პირს უნდა ეცვას სპეციალური ტანსაცმელი ( უნიფორმა სრული ეკიპირებით , შესაბამისი სეზონის გათვალისწინებით ). საქართველოს მთავრობის 2018 წლის 9 ივლისის დადგენილება №357 - ვებგვერდი, 10.07.2018წ.