მუხლი 22. ფაქტორინგთან დაკავშირებული დოკუმენტაცია

ფაქტორინგის საფუძველზე მოთხოვნის დამთმობი მხარის ან მოვალის მიერ თითოეული დებიტორული დავალიანების ფაქტორისთვის გადაცემისას მოთხოვნის დამთმობი მხარე ან/და მოვალე  ფაქტორს მის მიერ მოთხოვნის შემთხვევაში აწვდის ფაქტორინგთან დაკავშირებულ დოკუმენტაციას, კერძოდ: ა) დებიტორული დავალიანების არსებობის დამადასტურებელ დოკუმენტებს; ბ) მოვალის მიმართ, ხოლო რევერსიული ფაქტორინგის შემთხვევაში − კრედიტორის მიმართ დებიტორული დავალიანების ფაქტორისთვის გადაცემის შესახებ წერილობით (მათ შორის, ელექტრონულად) გაგზავნილი შეტყობინების ასლს.