მე ვარ ანა შავარდენიძე, სამართლის მაგისტრი - იურიდიული საქმიანობის 9-წლიანი გამოცდილებით, რაც მოიცავს კერძო და ბიზნეს სამართლის სრულ სპექტრს. ჩემი პროფესიული გზა უკავშირდება საადვოკატო ბიუროებს, სადაც ჯუნიორის პოზიციიდან პარტნიორის სტატუსამდე მივედი, რაც საშუალებას მაძლევს კომპლექსურად დავინახო ბიზნესის წინაშე არსებული ნებისმიერი გამოწვევა. ვფლობ თბილისის სახელმწიფო უნივერსიტეტის კერძო სამართლის მაგისტრის ხარისხს, ვარ სერტიფიცირებული ადვოკატი საერთო სპეციალიზაციით და ამჟამად ცოდნას ვიღრმავებ თავისუფალი უნივერსიტეტის ბიზნეს სამართლის სამაგისტრო (LL.M.) პროგრამაზე. ასევე გამოცდილება მაქვს მიღებული უზენაეს სასამართლოში, სამოქალაქო საქმეთა პალატის სამდივნოში. ჩემი საქმიანობის მთავარი ფოკუსი ბიზნესის სამართლებრივი მხარდაჭერაა, რაც გულისხმობს დოკუმენტაციის სრულ იურიდიულ აუდიტს, რთული სახელშეკრულებო ურთიერთობების მართვას, საგადასახადო და ადმინისტრაციული რისკების დაზღვევასა და შრომითი ურთიერთობების მოწესრიგებას. მაქვს წარმატებული გამოცდილება სასამართლოებსა და ადმინისტრაციულ ორგანოებში კლიენტთა ინტერესების წარმომადგენლობის კუთხით, სადაც ჩემი მიზანი ყოველთვის საერთაშორისო სტანდარტების შესაბამისი, სტრატეგიული და შედეგზე ორიენტირებული სამართლებრივი გადაწყვეტილებების მიღებაა.
