შალვა ბუავა

შალვა ბუავა, პრაქტიკოსი ადვოკატი დღეის მდგომარეობით შალვა სწავლობს ამერიკული სამართლის სკოლაში (SAL) და იგი ასევე მაგისტრის ხარისხის კანდიდატია ჩიკაგო კენტის სამართლის სკოლის, ინოვაციებისა და ტექნოლოგიების სამართლის მიმართულებით. (Illinois Tech) 2019 წელს შეუერთდა ჩარგეიშვილის საადვოკატო დარბაზს კორპორატიული იურისტის სტატუსით, ხოლო დღეის მდგომარეობით, ამავე კომპანიაში საქმიანობას აგრძელებს, უფროსი ადვოკატის სტატუსით. შალვა არის სპეციალიზებული ადვოკატი ბავშვთა უფლებების მიმართულებით, ასევე გავლილი აქვს სპეციალური პროფესიული სწავლებები, სამშენებლო სამართლის, პერსონალურ მონაცემთა დაცვის მიმართულებით და არბიტრთა აკრედიტაციის პირველი მოდული. იგი არის, ისეთი ორგანიზაციების წევრი, როგორიც არის, საქართველოს ადვოკატათა ასოციაცია, საქართველოს იურიდიული ფირმების ასოციაციის გამგეობის წევრი, სამხრეთ აფრიკისა და საქართველოს სავაჭრო პალატის მმართველო ორგანოს წევრი. 2021 წელს დაინიშნა, აფხაზეთის ჯანმრთელობისა და სოციალური დაცვის სამინისტროს ა(ა)იპ „აფხაზეთის სამედიცინო დაწესებულებებთან კოორდინაციის სააგენტო“-ს ადმინისტრაციული დეპარტამენტის უფროსის თანამდებობაზე. 2019 წელს წარმატებით ჩააბარა ადვოკატის საკვალიფიკაციო გამოცდა სამოქალაქო და ადმინისტრაციული სამართლის მიმართულებით, დადო ადვოკატის ფიცი და ოფიციალურად შეუერთდა ადვოკატთა გუნდს. 2016-2017 წლებში სწავლობდა ლიეტუვის დედაქალაქში, ვილნიუსში, მიკოლას რომერის უნივერსიტეტში, სამაგისტრო პროგრამაზე, საერთაშორისო და ევროპული ბიზნეს სამართლის მიმართულებით. ქვეყანაში დაბრუნების შემდგომ 2017 წლიდან იგი შეუდგა პრაქტიკულ იურიდიულ საქმიანობას სხვადასხვა კომპანიებში და მას შემდეგ წარმატებით და უწყვეტად ახორციელებს ფიზიკური და იურიდიული პირების წარმომადგენლობას სხვადასხვა ადმინისტრაციულ ორგანოებში და სამივე ინსტანციის სასამართლოში. 2015 წელს დაამთავრა შავი ზღვის საერთაშორისო უნივერსიტეტის იურიდიული ფაკულტეტი და მიენიჭა სამართალმცოდნეობის ბაკალავრის ხარისხი. სტუდენტობის პერიოდში აქტიურად იყო ჩართული სხვადასხვა ადგილობრივ და საერთაშორისო დონის პროექტებსა და კონფერენციებში.

არავინ დატოვო დაუცველი

• ბიზენს სამართალი და ტექნოლოგიური სამართალი